Vishnu Sahasranamam in Telugu: Lyrics With Meaning

Vishnu Sahasranamam in Telugu (విష్ణు సహస్రనామం)

The full Vishnu Sahasranamam in Telugu script, each line with its transliteration in English letters. The Telugu is converted letter by letter from the Devanagari of Diya's prayer library; for the original script, see Vishnu Sahasranamam lyrics in English.

Telugu	Transliteration
ఓం	Om
శ్రీపరమాత్మనే నమః ।	Shreeparamaatmane namah |
నారాయణం నమస్కృత్య నరం చైవ నరోత్తమమ్।	Naaraayanam namaskritya naram chaiva narottamam|
దేవీం సరస్వతీం వ్యాసం తతో జయముదీరయేత్॥	Deveem sarasvateem vyaasam tato jayamudeerayet||
ఓం అథ సకలసౌభాగ్యదాయకం శ్రీవిష్ణుసహస్రనామస్తోత్రమ్।	Om atha sakalasaubhaagyadaayakam shreevishnusahasranaamastotram|
హరిః ఓం ॥	Harih Om ||
శుక్లామ్బరధరం విష్ణుం శశివర్ణం చతుర్భుజమ్।	Shuklaambaradharam vishnum shashivarnam chaturbhujam|
ప్రసన్నవదనం ధ్యాయేత్సర్వవిఘ్నోపశాన్తయే ॥ ౧॥	Prasannavadanam dhyaayetsarvavighnopashaantaye || 1||
యస్య ద్విరదవక్త్రాద్యాః పారిషద్యాః పరః శతమ్।	Yasya dviradavaktraadyaah paarishadyaah parah shatam|
విఘ్నం నిఘ్నన్తి సతతం విష్వక్సేనం తమాశ్రయే ॥ ౨॥	Vighnam nighnanti satatam vishvaksenam tamaashraye || 2||
వ్యాసం వసిష్ఠనప్తారం శక్తేః పౌత్రమకల్మషమ్।	Vyaasam vasishthanaptaaram shakteh pautramakalmasham|
పరాశరాత్మజం వన్దే శుకతాతం తపోనిధిమ్॥ ౩॥	Paraasharaatmajam vande shukataatam taponidhim|| 3||
వ్యాసాయ విష్ణురూపాయ వ్యాసరూపాయ విష్ణవే ।	Vyaasaaya vishnuroopaaya vyaasaroopaaya vishnave |
నమో వై బ్రహ్మనిధయే వాసిష్ఠాయ నమో నమః ॥ ౪॥	Namo vai brahmanidhaye vaasishthaaya namo namah || 4||
అవికారాయ శుద్ధాయ నిత్యాయ పరమాత్మనే ।	Avikaaraaya shuddhaaya nityaaya paramaatmane |
సదైకరూపరూపాయ విష్ణవే సర్వజిష్ణవే ॥ ౫॥	Sadaikarooparoopaaya vishnave sarvajishnave || 5||
యస్య స్మరణమాత్రేణ జన్మసంసారబన్ధనాత్।	Yasya smaranamaatrena janmasamsaarabandhanaat|
విముచ్యతే నమస్తస్మై విష్ణవే ప్రభవిష్ణవే ॥ ౬॥	Vimuchyate namastasmai vishnave prabhavishnave || 6||
నమః సమస్తభూతానామాదిభూతాయ భూభృతే ।	Namah samastabhootaanaamaadibhootaaya bhoobhrite |
అనేకరూపరూపాయ విష్ణవే ప్రభవిష్ణవే ॥	Anekarooparoopaaya vishnave prabhavishnave ||
ఓం నమో విష్ణవే ప్రభవిష్ణవే ॥	Om namo vishnave prabhavishnave ||
శ్రీవైశమ్పాయన ఉవాచ —	Shreevaishampaayana uvaacha -
శ్రుత్వా ధర్మానశేషేణ పావనాని చ సర్వశః ।	Shrutvaa dharmaanasheshena paavanaani cha sarvashah |
యుధిష్ఠిరః శాన్తనవం పునరేవాభ్యభాషత ॥ ౭॥	Yudhishthirah shaantanavam punarevaabhyabhaashata || 7||
యుధిష్ఠిర ఉవాచ —	Yudhishthira uvaacha -
కిమేకం దైవతం లోకే కిం వాప్యేకం పరాయణమ్।	Kimekam daivatam loke kim vaapyekam paraayanam|
స్తువన్తః కం కమర్చన్తః ప్రాప్నుయుర్మానవాః శుభమ్॥ ౮॥	Stuvantah kam kamarchantah praapnuyurmaanavaah shubham|| 8||
కో ధర్మః సర్వధర్మాణాం భవతః పరమో మతః ।	Ko dharmah sarvadharmaanaam bhavatah paramo matah |
కిం జపన్ముచ్యతే జన్తుర్జన్మసంసారబన్ధనాత్॥ ౯॥	Kim japanmuchyate janturjanmasamsaarabandhanaat|| 9||
భీష్మ ఉవాచ —	Bheeshma uvaacha -
జగత్ప్రభుం దేవదేవమనన్తం పురుషోత్తమమ్।	Jagatprabhum devadevamanantam purushottamam|
స్తువన్నామసహస్రేణ పురుషః సతతోత్థితః ॥ ౧౦॥	Stuvannaamasahasrena purushah satatotthitah || 10||
తమేవ చార్చయన్నిత్యం భక్త్యా పురుషమవ్యయమ్।	Tameva chaarchayannityam bhaktyaa purushamavyayam|
ధ్యాయన్స్తువన్నమస్యంశ్చ యజమానస్తమేవ చ ॥ ౧౧॥	Dhyaayanstuvannamasyamshcha yajamaanastameva cha || 11||
అనాదినిధనం విష్ణుం సర్వలోకమహేశ్వరమ్।	Anaadinidhanam vishnum sarvalokamaheshvaram|
లోకాధ్యక్షం స్తువన్నిత్యం సర్వదుఃఖాతిగో భవేత్॥ ౧౨॥	Lokaadhyaksham stuvannityam sarvaduhkhaatigo bhavet|| 12||
బ్రహ్మణ్యం సర్వధర్మజ్ఞం లోకానాం కీర్తివర్ధనమ్।	Brahmanyam sarvadharmajnyam lokaanaam keertivardhanam|
లోకనాథం మహద్భూతం సర్వభూతభవోద్భవమ్॥ ౧౩॥	Lokanaatham mahadbhootam sarvabhootabhavodbhavam|| 13||
ఏష మే సర్వధర్మాణాం ధర్మోఽధికతమో మతః ।	Esha me sarvadharmaanaam dharmo'dhikatamo matah |
యద్భక్త్యా పుణ్డరీకాక్షం స్తవైరర్చేన్నరః సదా ॥ ౧౪॥	Yadbhaktyaa pundareekaaksham stavairarchennarah sadaa || 14||
పరమం యో మహత్తేజః పరమం యో మహత్తపః ।	Paramam yo mahattejah paramam yo mahattapah |
పరమం యో మహద్బ్రహ్మ పరమం యః పరాయణమ్॥ ౧౫॥	Paramam yo mahadbrahma paramam yah paraayanam|| 15||
పవిత్రాణాం పవిత్రం యో మఙ్గలానాం చ మఙ్గలమ్।	Pavitraanaam pavitram yo manggalaanaam cha manggalam|
దైవతం దైవతానాం చ భూతానాం యోఽవ్యయః పితా ॥ ౧౬॥	Daivatam daivataanaam cha bhootaanaam yo'vyayah pitaa || 16||
యతః సర్వాణి భూతాని భవన్త్యాదియుగాగమే ।	Yatah sarvaani bhootaani bhavantyaadiyugaagame |
యస్మింశ్చ ప్రలయం యాన్తి పునరేవ యుగక్షయే ॥ ౧౭॥	Yasmimshcha pralayam yaanti punareva yugakshaye || 17||
తస్య లోకప్రధానస్య జగన్నాథస్య భూపతే ।	Tasya lokapradhaanasya jagannaathasya bhoopate |
విష్ణోర్నామసహస్రం మే శృణు పాపభయాపహమ్॥ ౧౮॥	Vishnornaamasahasram me shrinu paapabhayaapaham|| 18||
యాని నామాని గౌణాని విఖ్యాతాని మహాత్మనః ।	Yaani naamaani gaunaani vikhyaataani mahaatmanah |
ఋషిభిః పరిగీతాని తాని వక్ష్యామి భూతయే ॥ ౧౯॥	Rishibhih parigeetaani taani vakshyaami bhootaye || 19||
ఋషిర్నామ్నాం సహస్రస్య వేదవ్యాసో మహామునిః ।	Rishirnaamnaam sahasrasya vedavyaaso mahaamunih |
ఛన్దోఽనుష్టుప్తథా దేవో భగవాన్దేవకీసుతః ॥ ౨౦॥	Chhando'nushtuptathaa devo bhagavaandevakeesutah || 20||
అమృతాంశూద్భవో బీజం శక్తిర్దేవకీనన్దనః ।	Amritaamshoodbhavo beejam shaktirdevakeenandanah |
త్రిసామా హృదయం తస్య శాన్త్యర్థే వినియోజ్యతే ॥ ౨౧॥	Trisaamaa hridayam tasya shaantyarthe viniyojyate || 21||
విష్ణుం జిష్ణుం మహావిష్ణుం ప్రభవిష్ణుం మహేశ్వరమ్।	Vishnum jishnum mahaavishnum prabhavishnum maheshvaram|
అనేకరూపదైత్యాన్తం నమామి పురుషోత్తమమ్॥ ౨౨॥	Anekaroopadaityaantam namaami purushottamam|| 22||
పూర్వన్యాసః	Poorvanyaasah
శ్రీవేదవ్యాస ఉవాచ —	Shreevedavyaasa uvaacha -
ఓం అస్య శ్రీవిష్ణోర్దివ్యసహస్రనామస్తోత్రమహామన్త్రస్య ।	Om asya shreevishnordivyasahasranaamastotramahaamantrasya |
శ్రీవేదవ్యాసో భగవాన్ఋషిః ।	Shreevedavyaaso bhagavaanrishih |
అనుష్టుప్ఛన్దః ।	Anushtupchhandah |
శ్రీమహావిష్ణుః పరమాత్మా శ్రీమన్నారాయణో దేవతా ।	Shreemahaavishnuh paramaatmaa shreemannaaraayano devataa |
అమృతాంశూద్భవో భానురితి బీజమ్।	Amritaamshoodbhavo bhaanuriti beejam|
దేవకీనన్దనః స్రష్టేతి శక్తిః ।	Devakeenandanah srashteti shaktih |
ఉద్భవః క్షోభణో దేవ ఇతి పరమో మన్త్రః ।	Udbhavah kshobhano deva iti paramo mantrah |
శఙ్ఖభృన్నన్దకీ చక్రీతి కీలకమ్।	Shangkhabhrinnandakee chakreeti keelakam|
శార్ఙ్గధన్వా గదాధర ఇత్యస్త్రమ్।	Shaarnggadhanvaa gadaadhara ityastram|
రథాఙ్గపాణిరక్షోభ్య ఇతి నేత్రమ్।	Rathaanggapaanirakshobhya iti netram|
త్రిసామా సామగః సామేతి కవచమ్।	Trisaamaa saamagah saameti kavacham|
ఆనన్దం పరబ్రహ్మేతి యోనిః ।	Aanandam parabrahmeti yonih |
ఋతుః సుదర్శనః కాల ఇతి దిగ్బన్ధః ।	Rituh sudarshanah kaala iti digbandhah |
శ్రీవిశ్వరూప ఇతి ధ్యానమ్।	Shreevishvaroopa iti dhyaanam|
శ్రీమహావిష్ణుప్రీత్యర్థే సహస్రనామస్తోత్రపాఠే వినియోగః ॥	Shreemahaavishnupreetyarthe sahasranaamastotrapaathe viniyogah ||
అథ న్యాసః ।	Atha nyaasah |
ఓం శిరసి వేదవ్యాసర్షయే నమః ।	Om shirasi vedavyaasarshaye namah |
ముఖే అనుష్టుప్ఛన్దసే నమః ।	Mukhe anushtupchhandase namah |
హృది శ్రీకృష్ణపరమాత్మదేవతాయై నమః ।	Hridi shreekrishnaparamaatmadevataayai namah |
గుహ్యే అమృతాంశూద్భవో భానురితి బీజాయ నమః ।	Guhye amritaamshoodbhavo bhaanuriti beejaaya namah |
పాదయోర్దేవకీనన్దనః స్రష్టేతి శక్తయే నమః ।	Paadayordevakeenandanah srashteti shaktaye namah |
సర్వాఙ్గే శఙ్ఖభృన్నన్దకీ చక్రీతి కీలకాయ నమః ।	Sarvaangge shangkhabhrinnandakee chakreeti keelakaaya namah |
కరసమ్పూటే మమ శ్రీకృష్ణప్రీత్యర్థే జపే వినియోగః ॥	Karasampoote mama shreekrishnapreetyarthe jape viniyogah ||
ఇతి ఋష్యాదిన్యాసః ॥	Iti rishyaadinyaasah ||
అథ కరన్యాసః ।	Atha karanyaasah |
ఓం విశ్వం విష్ణుర్వషట్కార ఇత్యఙ్గుష్ఠాభ్యాం నమః ।	Om vishvam vishnurvashatkaara ityanggushthaabhyaam namah |
అమృతాంశూద్భవో భానురితి తర్జనీభ్యాం నమః ।	Amritaamshoodbhavo bhaanuriti tarjaneebhyaam namah |
బ్రహ్మణ్యో బ్రహ్మకృద్బ్రహ్మేతి మధ్యమాభ్యాం నమః ।	Brahmanyo brahmakridbrahmeti madhyamaabhyaam namah |
సువర్ణబిన్దురక్షోభ్య ఇత్యనామికాభ్యాం నమః ।	Suvarnabindurakshobhya ityanaamikaabhyaam namah |
నిమిషోఽనిమిషః స్రగ్వీతి కనిష్ఠికాభ్యాం నమః ।	Nimisho'nimishah sragveeti kanishthikaabhyaam namah |
రథాఙ్గపాణిరక్షోభ్య ఇతి కరతలకరపృష్ఠాభ్యాం నమః ।	Rathaanggapaanirakshobhya iti karatalakaraprishthaabhyaam namah |
ఇతి కరన్యాసః ॥	Iti karanyaasah ||
అథ షడఙ్గన్యాసః ।	Atha shadangganyaasah |
ఓం విశ్వం విష్ణుర్వషట్కార ఇతి హృదయాయ నమః ।	Om vishvam vishnurvashatkaara iti hridayaaya namah |
అమృతాంశూద్భవో భానురితి శిరసే స్వాహా ।	Amritaamshoodbhavo bhaanuriti shirase svaahaa |
బ్రహ్మణ్యో బ్రహ్మకృద్బ్రహ్మేతి శిఖాయై వషట్।	Brahmanyo brahmakridbrahmeti shikhaayai vashat|
సువర్ణబిన్దురక్షోభ్య ఇతి కవచాయ హుమ్।	Suvarnabindurakshobhya iti kavachaaya hum|
నిమిషోఽనిమిషః స్రగ్వీతి నేత్రత్రయాయ వౌషట్।	Nimisho'nimishah sragveeti netratrayaaya vaushat|
రథాఙ్గపాణిరక్షోభ్య ఇత్యస్త్రాయ ఫట్।	Rathaanggapaanirakshobhya ityastraaya phat|
ఇతి షడఙ్గన్యాసః ॥	Iti shadangganyaasah ||
శ్రీకృష్ణప్రీత్యర్థే విష్ణోర్దివ్యసహస్రనామజపమహం	Shreekrishnapreetyarthe vishnordivyasahasranaamajapamaham
కరిష్యే ఇతి సఙ్కల్పః ।	Karishye iti sangkalpah |
అథ ధ్యానమ్।	Atha dhyaanam|
క్షీరోదన్వత్ప్రదేశే శుచిమణివిలసత్సైకతే మౌక్తికానాం	Ksheerodanvatpradeshe shuchimanivilasatsaikate mauktikaanaam
మాలాకౢప్తాసనస్థః స్ఫటికమణినిభైర్మౌక్తికైర్మణ్డితాఙ్గః ।	Maalaaklriptaasanasthah sphatikamaninibhairmauktikairmanditaanggah |
శుభ్రైరభ్రైరదభ్రైరుపరివిరచితైర్ముక్తపీయూషవర్షై-	Shubhrairabhrairadabhrairuparivirachitairmuktapeeyooshavarshai-
రానన్దీ నః పునీయాదరినలినగదాశఙ్ఖపాణిర్ముకున్దః ॥ ౧॥	Raanandee nah puneeyaadarinalinagadaashangkhapaanirmukundah || 1||
భూః పాదౌ యస్య నాభిర్వియదసురనిలశ్చన్ద్రసూర్యౌ చ నేత్రే	Bhooh paadau yasya naabhirviyadasuranilashchandrasooryau cha netre
కర్ణావాశాః శిరో ద్యౌర్ముఖమపి దహనో యస్య వాస్తేయమబ్ధిః ।	Karnaavaashaah shiro dyaurmukhamapi dahano yasya vaasteyamabdhih |
అన్తఃస్థం యస్య విశ్వం సురనరఖగగోభోగిగన్ధర్వదైత్యైః	Antahstham yasya vishvam suranarakhagagobhogigandharvadaityaih
చిత్రం రంరమ్యతే తం త్రిభువనవపుషం విష్ణుమీశం నమామి ॥ ౨॥	Chitram ramramyate tam tribhuvanavapusham vishnumeesham namaami || 2||
ఓం నమో భగవతే వాసుదేవాయ ॥	Om namo bhagavate vaasudevaaya ||
ఓం శాన్తాకారం భుజగశయనం పద్మనాభం సురేశం	Om shaantaakaaram bhujagashayanam padmanaabham suresham
విశ్వాధారం గగనసదృశం మేఘవర్ణం శుభాఙ్గమ్।	Vishvaadhaaram gaganasadrisham meghavarnam shubhaanggam|
లక్ష్మీకాన్తం కమలనయనం యోగిభిర్ధ్యానగమ్యం	Lakshmeekaantam kamalanayanam yogibhirdhyaanagamyam
వన్దే విష్ణుం భవభయహరం సర్వలోకైకనాథమ్॥ ౩॥	Vande vishnum bhavabhayaharam sarvalokaikanaatham|| 3||
మేఘశ్యామం పీతకౌశేయవాసం	Meghashyaamam peetakausheyavaasam
శ్రీవత్సాఙ్కం కౌస్తుభోద్భాసితాఙ్గమ్।	Shreevatsaangkam kaustubhodbhaasitaanggam|
పుణ్యోపేతం పుణ్డరీకాయతాక్షం	Punyopetam pundareekaayataaksham
విష్ణుం వన్దే సర్వలోకైకనాథమ్॥ ౪॥	Vishnum vande sarvalokaikanaatham|| 4||
నమః సమస్తభూతానామాదిభూతాయ భూభృతే ।	Namah samastabhootaanaamaadibhootaaya bhoobhrite |
అనేకరూపరూపాయ విష్ణవే ప్రభవిష్ణవే ॥ ౫॥	Anekarooparoopaaya vishnave prabhavishnave || 5||
సశఙ్ఖచక్రం సకిరీటకుణ్డలం	Sashangkhachakram sakireetakundalam
సపీతవస్త్రం సరసీరుహేక్షణమ్।	Sapeetavastram saraseeruhekshanam|
సహారవక్షఃస్థలకౌస్తుభశ్రియం	Sahaaravakshahsthalakaustubhashriyam
నమామి విష్ణుం శిరసా చతుర్భుజమ్॥ ౬॥	Namaami vishnum shirasaa chaturbhujam|| 6||
ఛాయాయాం పారిజాతస్య హేమసింహాసనోపరి	Chhaayaayaam paarijaatasya hemasimhaasanopari
ఆసీనమమ్బుదశ్యామమాయతాక్షమలంకృతమ్।	Aaseenamambudashyaamamaayataakshamalamkritam|
చన్ద్రాననం చతుర్బాహుం శ్రీవత్సాఙ్కితవక్షసం	Chandraananam chaturbaahum shreevatsaangkitavakshasam
రుక్మిణీసత్యభామాభ్యాం సహితం కృష్ణమాశ్రయే ॥ ౭॥	Rukmineesatyabhaamaabhyaam sahitam krishnamaashraye || 7||
స్తోత్రమ్	Stotram
హరిః ఓం ।	Harih Om |
ఓం విశ్వం విష్ణుర్వషట్కారో భూతభవ్యభవత్ప్రభుః ।	Om vishvam vishnurvashatkaaro bhootabhavyabhavatprabhuh |
భూతకృద్భూతభృద్భావో భూతాత్మా భూతభావనః ॥ ౧॥	Bhootakridbhootabhridbhaavo bhootaatmaa bhootabhaavanah || 1||
పూతాత్మా పరమాత్మా చ ముక్తానాం పరమా గతిః ।	Pootaatmaa paramaatmaa cha muktaanaam paramaa gatih |
అవ్యయః పురుషః సాక్షీ క్షేత్రజ్ఞోఽక్షర ఏవ చ ॥ ౨॥	Avyayah purushah saakshee kshetrajnyo'kshara eva cha || 2||
యోగో యోగవిదాం నేతా ప్రధానపురుషేశ్వరః ।	Yogo yogavidaam netaa pradhaanapurusheshvarah |
నారసింహవపుః శ్రీమాన్కేశవః పురుషోత్తమః ॥ ౩॥	Naarasimhavapuh shreemaankeshavah purushottamah || 3||
సర్వః శర్వః శివః స్థాణుర్భూతాదిర్నిధిరవ్యయః ।	Sarvah sharvah shivah sthaanurbhootaadirnidhiravyayah |
సమ్భవో భావనో భర్తా ప్రభవః ప్రభురీశ్వరః ॥ ౪॥	Sambhavo bhaavano bhartaa prabhavah prabhureeshvarah || 4||
స్వయమ్భూః శమ్భురాదిత్యః పుష్కరాక్షో మహాస్వనః ।	Svayambhooh shambhuraadityah pushkaraaksho mahaasvanah |
అనాదినిధనో ధాతా విధాతా ధాతురుత్తమః ॥ ౫॥	Anaadinidhano dhaataa vidhaataa dhaaturuttamah || 5||
అప్రమేయో హృషీకేశః పద్మనాభోఽమరప్రభుః ।	Aprameyo hrisheekeshah padmanaabho'maraprabhuh |
విశ్వకర్మా మనుస్త్వష్టా స్థవిష్ఠః స్థవిరో ధ్రువః ॥ ౬॥	Vishvakarmaa manustvashtaa sthavishthah sthaviro dhruvah || 6||
అగ్రాహ్యః శాశ్వతః కృష్ణో లోహితాక్షః ప్రతర్దనః ।	Agraahyah shaashvatah krishno lohitaakshah pratardanah |
ప్రభూతస్త్రికకుబ్ధామ పవిత్రం మఙ్గలం పరమ్॥ ౭॥	Prabhootastrikakubdhaama pavitram manggalam param|| 7||
ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః ।	Eeshaanah praanadah praano jyeshthah shreshthah prajaapatih |
హిరణ్యగర్భో భూగర్భో మాధవో మధుసూదనః ॥ ౮॥	Hiranyagarbho bhoogarbho maadhavo madhusoodanah || 8||
ఈశ్వరో విక్రమీ ధన్వీ మేధావీ విక్రమః క్రమః ।	Eeshvaro vikramee dhanvee medhaavee vikramah kramah |
అనుత్తమో దురాధర్షః కృతజ్ఞః కృతిరాత్మవాన్॥ ౯॥	Anuttamo duraadharshah kritajnyah kritiraatmavaan|| 9||
సురేశః శరణం శర్మ విశ్వరేతాః ప్రజాభవః ।	Sureshah sharanam sharma vishvaretaah prajaabhavah |
అహః సంవత్సరో వ్యాలః ప్రత్యయః సర్వదర్శనః ॥ ౧౦॥	Ahah samvatsaro vyaalah pratyayah sarvadarshanah || 10||
అజః సర్వేశ్వరః సిద్ధః సిద్ధిః సర్వాదిరచ్యుతః ।	Ajah sarveshvarah siddhah siddhih sarvaadirachyutah |
వృషాకపిరమేయాత్మా సర్వయోగవినిఃసృతః ॥ ౧౧॥	Vrishaakapirameyaatmaa sarvayogavinihsritah || 11||
వసుర్వసుమనాః సత్యః సమాత్మాఽసమ్మితః సమః ।	Vasurvasumanaah satyah samaatmaa'sammitah samah |
అమోఘః పుణ్డరీకాక్షో వృషకర్మా వృషాకృతిః ॥ ౧౨॥	Amoghah pundareekaaksho vrishakarmaa vrishaakritih || 12||
రుద్రో బహుశిరా బభ్రుర్విశ్వయోనిః శుచిశ్రవాః ।	Rudro bahushiraa babhrurvishvayonih shuchishravaah |
అమృతః శాశ్వతస్థాణుర్వరారోహో మహాతపాః ॥ ౧౩॥	Amritah shaashvatasthaanurvaraaroho mahaatapaah || 13||
సర్వగః సర్వవిద్భానుర్విష్వక్సేనో జనార్దనః ।	Sarvagah sarvavidbhaanurvishvakseno janaardanah |
వేదో వేదవిదవ్యఙ్గో వేదాఙ్గో వేదవిత్కవిః ॥ ౧౪॥	Vedo vedavidavyanggo vedaanggo vedavitkavih || 14||
లోకాధ్యక్షః సురాధ్యక్షో ధర్మాధ్యక్షః కృతాకృతః ।	Lokaadhyakshah suraadhyaksho dharmaadhyakshah kritaakritah |
చతురాత్మా చతుర్వ్యూహశ్చతుర్దంష్ట్రశ్చతుర్భుజః ॥ ౧౫॥	Chaturaatmaa chaturvyoohashchaturdamshtrashchaturbhujah || 15||
భ్రాజిష్ణుర్భోజనం భోక్తా సహిష్ణుర్జగదాదిజః ।	Bhraajishnurbhojanam bhoktaa sahishnurjagadaadijah |
అనఘో విజయో జేతా విశ్వయోనిః పునర్వసుః ॥ ౧౬॥	Anagho vijayo jetaa vishvayonih punarvasuh || 16||
ఉపేన్ద్రో వామనః ప్రాంశురమోఘః శుచిరూర్జితః ।	Upendro vaamanah praamshuramoghah shuchiroorjitah |
అతీన్ద్రః సఙ్గ్రహః సర్గో ధృతాత్మా నియమో యమః ॥ ౧౭॥	Ateendrah sanggrahah sargo dhritaatmaa niyamo yamah || 17||
వేద్యో వైద్యః సదాయోగీ వీరహా మాధవో మధుః ।	Vedyo vaidyah sadaayogee veerahaa maadhavo madhuh |
అతీన్ద్రియో మహామాయో మహోత్సాహో మహాబలః ॥ ౧౮॥	Ateendriyo mahaamaayo mahotsaaho mahaabalah || 18||
మహాబుద్ధిర్మహావీర్యో మహాశక్తిర్మహాద్యుతిః ।	Mahaabuddhirmahaaveeryo mahaashaktirmahaadyutih |
అనిర్దేశ్యవపుః శ్రీమానమేయాత్మా మహాద్రిధృక్ ॥ ౧౯॥	Anirdeshyavapuh shreemaanameyaatmaa mahaadridhrik || 19||
మహేష్వాసో మహీభర్తా శ్రీనివాసః సతాం గతిః ।	Maheshvaaso maheebhartaa shreenivaasah sataam gatih |
అనిరుద్ధః సురానన్దో గోవిన్దో గోవిదాం పతిః ॥ ౨౦॥	Aniruddhah suraanando govindo govidaam patih || 20||
మరీచిర్దమనో హంసః సుపర్ణో భుజగోత్తమః ।	Mareechirdamano hamsah suparno bhujagottamah |
హిరణ్యనాభః సుతపాః పద్మనాభః ప్రజాపతిః ॥ ౨౧॥	Hiranyanaabhah sutapaah padmanaabhah prajaapatih || 21||
అమృత్యుః సర్వదృక్ సింహః సన్ధాతా సన్ధిమాన్స్థిరః ।	Amrityuh sarvadrik simhah sandhaataa sandhimaansthirah |
అజో దుర్మర్షణః శాస్తా విశ్రుతాత్మా సురారిహా ॥ ౨౨॥	Ajo durmarshanah shaastaa vishrutaatmaa suraarihaa || 22||
గురుర్గురుతమో ధామ సత్యః సత్యపరాక్రమః ।	Gururgurutamo dhaama satyah satyaparaakramah |
నిమిషోఽనిమిషః స్రగ్వీ వాచస్పతిరుదారధీః ॥ ౨౩॥	Nimisho'nimishah sragvee vaachaspatirudaaradheeh || 23||
అగ్రణీర్గ్రామణీః శ్రీమాన్న్యాయో నేతా సమీరణః ।	Agraneergraamaneeh shreemaannyaayo netaa sameeranah |
సహస్రమూర్ధా విశ్వాత్మా సహస్రాక్షః సహస్రపాత్॥ ౨౪॥	Sahasramoordhaa vishvaatmaa sahasraakshah sahasrapaat|| 24||
ఆవర్తనో నివృత్తాత్మా సంవృతః సమ్ప్రమర్దనః ।	Aavartano nivrittaatmaa samvritah sampramardanah |
అహః సంవర్తకో వహ్నిరనిలో ధరణీధరః ॥ ౨౫॥	Ahah samvartako vahniranilo dharaneedharah || 25||
సుప్రసాదః ప్రసన్నాత్మా విశ్వధృగ్విశ్వభుగ్విభుః ।	Suprasaadah prasannaatmaa vishvadhrigvishvabhugvibhuh |
సత్కర్తా సత్కృతః సాధుర్జహ్నుర్నారాయణో నరః ॥ ౨౬॥	Satkartaa satkritah saadhurjahnurnaaraayano narah || 26||
అసఙ్ఖ్యేయోఽప్రమేయాత్మా విశిష్టః శిష్టకృచ్ఛుచిః ।	Asangkhyeyo'prameyaatmaa vishishtah shishtakrichchhuchih |
సిద్ధార్థః సిద్ధసఙ్కల్పః సిద్ధిదః సిద్ధిసాధనః ॥ ౨౭॥	Siddhaarthah siddhasangkalpah siddhidah siddhisaadhanah || 27||
వృషాహీ వృషభో విష్ణుర్వృషపర్వా వృషోదరః ।	Vrishaahee vrishabho vishnurvrishaparvaa vrishodarah |
వర్ధనో వర్ధమానశ్చ వివిక్తః శ్రుతిసాగరః ॥ ౨౮॥	Vardhano vardhamaanashcha viviktah shrutisaagarah || 28||
సుభుజో దుర్ధరో వాగ్మీ మహేన్ద్రో వసుదో వసుః ।	Subhujo durdharo vaagmee mahendro vasudo vasuh |
నైకరూపో బృహద్రూపః శిపివిష్టః ప్రకాశనః ॥ ౨౯॥	Naikaroopo brihadroopah shipivishtah prakaashanah || 29||
ఓజస్తేజోద్యుతిధరః ప్రకాశాత్మా ప్రతాపనః ।	Ojastejodyutidharah prakaashaatmaa prataapanah |
ఋద్ధః స్పష్టాక్షరో మన్త్రశ్చన్ద్రాంశుర్భాస్కరద్యుతిః ॥ ౩౦॥	Riddhah spashtaaksharo mantrashchandraamshurbhaaskaradyutih || 30||
అమృతాంశూద్భవో భానుః శశబిన్దుః సురేశ్వరః ।	Amritaamshoodbhavo bhaanuh shashabinduh sureshvarah |
ఔషధం జగతః సేతుః సత్యధర్మపరాక్రమః ॥ ౩౧॥	Aushadham jagatah setuh satyadharmaparaakramah || 31||
భూతభవ్యభవన్నాథః పవనః పావనోఽనలః ।	Bhootabhavyabhavannaathah pavanah paavano'nalah |
కామహా కామకృత్కాన్తః కామః కామప్రదః ప్రభుః ॥ ౩౨॥	Kaamahaa kaamakritkaantah kaamah kaamapradah prabhuh || 32||
యుగాదికృద్యుగావర్తో నైకమాయో మహాశనః ।	Yugaadikridyugaavarto naikamaayo mahaashanah |
అదృశ్యో వ్యక్తరూపశ్చ సహస్రజిదనన్తజిత్॥ ౩౩॥	Adrishyo vyaktaroopashcha sahasrajidanantajit|| 33||
ఇష్టోఽవిశిష్టః శిష్టేష్టః శిఖణ్డీ నహుషో వృషః ।	Ishto'vishishtah shishteshtah shikhandee nahusho vrishah |
క్రోధహా క్రోధకృత్కర్తా విశ్వబాహుర్మహీధరః ॥ ౩౪॥	Krodhahaa krodhakritkartaa vishvabaahurmaheedharah || 34||
అచ్యుతః ప్రథితః ప్రాణః ప్రాణదో వాసవానుజః ।	Achyutah prathitah praanah praanado vaasavaanujah |
అపాంనిధిరధిష్ఠానమప్రమత్తః ప్రతిష్ఠితః ॥ ౩౫॥	Apaamnidhiradhishthaanamapramattah pratishthitah || 35||
స్కన్దః స్కన్దధరో ధుర్యో వరదో వాయువాహనః ।	Skandah skandadharo dhuryo varado vaayuvaahanah |
వాసుదేవో బృహద్భానురాదిదేవః పురన్దరః ॥ ౩౬॥	Vaasudevo brihadbhaanuraadidevah purandarah || 36||
అశోకస్తారణస్తారః శూరః శౌరిర్జనేశ్వరః ।	Ashokastaaranastaarah shoorah shaurirjaneshvarah |
అనుకూలః శతావర్తః పద్మీ పద్మనిభేక్షణః ॥ ౩౭॥	Anukoolah shataavartah padmee padmanibhekshanah || 37||
పద్మనాభోఽరవిన్దాక్షః పద్మగర్భః శరీరభృత్।	Padmanaabho'ravindaakshah padmagarbhah shareerabhrit|
మహర్ద్ధిరృద్ధో వృద్ధాత్మా మహాక్షో గరుడధ్వజః ॥ ౩౮॥	Maharddhirriddho vriddhaatmaa mahaaksho garudadhvajah || 38||
అతులః శరభో భీమః సమయజ్ఞో హవిర్హరిః ।	Atulah sharabho bheemah samayajnyo havirharih |
సర్వలక్షణలక్షణ్యో లక్ష్మీవాన్సమితిఞ్జయః ॥ ౩౯॥	Sarvalakshanalakshanyo lakshmeevaansamitinyjayah || 39||
విక్షరో రోహితో మార్గో హేతుర్దామోదరః సహః ।	Viksharo rohito maargo heturdaamodarah sahah |
మహీధరో మహాభాగో వేగవానమితాశనః ॥ ౪౦॥	Maheedharo mahaabhaago vegavaanamitaashanah || 40||
ఉద్భవః క్షోభణో దేవః శ్రీగర్భః పరమేశ్వరః ।	Udbhavah kshobhano devah shreegarbhah parameshvarah |
కరణం కారణం కర్తా వికర్తా గహనో గుహః ॥ ౪౧॥	Karanam kaaranam kartaa vikartaa gahano guhah || 41||
వ్యవసాయో వ్యవస్థానః సంస్థానః స్థానదో ధ్రువః ।	Vyavasaayo vyavasthaanah samsthaanah sthaanado dhruvah |
పరర్ద్ధిః పరమస్పష్టస్తుష్టః పుష్టః శుభేక్షణః ॥ ౪౨॥	Pararddhih paramaspashtastushtah pushtah shubhekshanah || 42||
రామో విరామో విరజో మార్గో నేయో నయోఽనయః ।	Raamo viraamo virajo maargo neyo nayo'nayah |
వీరః శక్తిమతాం శ్రేష్ఠో ధర్మో ధర్మవిదుత్తమః ॥ ౪౩॥	Veerah shaktimataam shreshtho dharmo dharmaviduttamah || 43||
వైకుణ్ఠః పురుషః ప్రాణః ప్రాణదః ప్రణవః పృథుః ।	Vaikunthah purushah praanah praanadah pranavah prithuh |
హిరణ్యగర్భః శత్రుఘ్నో వ్యాప్తో వాయురధోక్షజః ॥ ౪౪॥	Hiranyagarbhah shatrughno vyaapto vaayuradhokshajah || 44||
ఋతుః సుదర్శనః కాలః పరమేష్ఠీ పరిగ్రహః ।	Rituh sudarshanah kaalah parameshthee parigrahah |
ఉగ్రః సంవత్సరో దక్షో విశ్రామో విశ్వదక్షిణః ॥ ౪౫॥	Ugrah samvatsaro daksho vishraamo vishvadakshinah || 45||
విస్తారః స్థావరస్థాణుః ప్రమాణం బీజమవ్యయమ్।	Vistaarah sthaavarasthaanuh pramaanam beejamavyayam|
అర్థోఽనర్థో మహాకోశో మహాభోగో మహాధనః ॥ ౪౬॥	Artho'nartho mahaakosho mahaabhogo mahaadhanah || 46||
అనిర్విణ్ణః స్థవిష్ఠోఽభూర్ధర్మయూపో మహామఖః ।	Anirvinnah sthavishtho'bhoordharmayoopo mahaamakhah |
నక్షత్రనేమిర్నక్షత్రీ క్షమః క్షామః సమీహనః ॥ ౪౭॥	Nakshatranemirnakshatree kshamah kshaamah sameehanah || 47||
యజ్ఞ ఇజ్యో మహేజ్యశ్చ క్రతుః సత్రం సతాం గతిః ।	Yajnya ijyo mahejyashcha kratuh satram sataam gatih |
సర్వదర్శీ విముక్తాత్మా సర్వజ్ఞో జ్ఞానముత్తమమ్॥ ౪౮॥	Sarvadarshee vimuktaatmaa sarvajnyo jnyaanamuttamam|| 48||
సువ్రతః సుముఖః సూక్ష్మః సుఘోషః సుఖదః సుహృత్।	Suvratah sumukhah sookshmah sughoshah sukhadah suhrit|
మనోహరో జితక్రోధో వీరబాహుర్విదారణః ॥ ౪౯॥	Manoharo jitakrodho veerabaahurvidaaranah || 49||
స్వాపనః స్వవశో వ్యాపీ నైకాత్మా నైకకర్మకృత్।	Svaapanah svavasho vyaapee naikaatmaa naikakarmakrit|
వత్సరో వత్సలో వత్సీ రత్నగర్భో ధనేశ్వరః ॥ ౫౦॥	Vatsaro vatsalo vatsee ratnagarbho dhaneshvarah || 50||
ధర్మగుబ్ధర్మకృద్ధర్మీ సదసత్క్షరమక్షరమ్।	Dharmagubdharmakriddharmee sadasatksharamaksharam|
అవిజ్ఞాతా సహస్రాంశుర్విధాతా కృతలక్షణః ॥ ౫౧॥	Avijnyaataa sahasraamshurvidhaataa kritalakshanah || 51||
గభస్తినేమిః సత్త్వస్థః సింహో భూతమహేశ్వరః ।	Gabhastinemih sattvasthah simho bhootamaheshvarah |
ఆదిదేవో మహాదేవో దేవేశో దేవభృద్గురుః ॥ ౫౨॥	Aadidevo mahaadevo devesho devabhridguruh || 52||
ఉత్తరో గోపతిర్గోప్తా జ్ఞానగమ్యః పురాతనః ।	Uttaro gopatirgoptaa jnyaanagamyah puraatanah |
శరీరభూతభృద్భోక్తా కపీన్ద్రో భూరిదక్షిణః ॥ ౫౩॥	Shareerabhootabhridbhoktaa kapeendro bhooridakshinah || 53||
సోమపోఽమృతపః సోమః పురుజిత్పురుసత్తమః ।	Somapo'mritapah somah purujitpurusattamah |
వినయో జయః సత్యసన్ధో దాశార్హః సాత్వతామ్పతిః ॥ ౫౪॥ వినియోజ్యః	Vinayo jayah satyasandho daashaarhah saatvataampatih || 54|| viniyojyah
జీవో వినయితా సాక్షీ ముకున్దోఽమితవిక్రమః ।	Jeevo vinayitaa saakshee mukundo'mitavikramah |
అమ్భోనిధిరనన్తాత్మా మహోదధిశయోఽన్తకః ॥ ౫౫॥	Ambhonidhiranantaatmaa mahodadhishayo'ntakah || 55||
అజో మహార్హః స్వాభావ్యో జితామిత్రః ప్రమోదనః ।	Ajo mahaarhah svaabhaavyo jitaamitrah pramodanah |
ఆనన్దో నన్దనో నన్దః సత్యధర్మా త్రివిక్రమః ॥ ౫౬॥	Aanando nandano nandah satyadharmaa trivikramah || 56||
మహర్షిః కపిలాచార్యః కృతజ్ఞో మేదినీపతిః ।	Maharshih kapilaachaaryah kritajnyo medineepatih |
త్రిపదస్త్రిదశాధ్యక్షో మహాశృఙ్గః కృతాన్తకృత్॥ ౫౭॥	Tripadastridashaadhyaksho mahaashringgah kritaantakrit|| 57||
మహావరాహో గోవిన్దః సుషేణః కనకాఙ్గదీ ।	Mahaavaraaho govindah sushenah kanakaanggadee |
గుహ్యో గభీరో గహనో గుప్తశ్చక్రగదాధరః ॥ ౫౮॥	Guhyo gabheero gahano guptashchakragadaadharah || 58||
వేధాః స్వాఙ్గోఽజితః కృష్ణో దృఢః సఙ్కర్షణోఽచ్యుతః ।	Vedhaah svaanggo'jitah krishno dridhah sangkarshano'chyutah |
వరుణో వారుణో వృక్షః పుష్కరాక్షో మహామనాః ॥ ౫౯॥	Varuno vaaruno vrikshah pushkaraaksho mahaamanaah || 59||
భగవాన్భగహాఽఽనన్దీ వనమాలీ హలాయుధః ।	Bhagavaanbhagahaa''nandee vanamaalee halaayudhah |
ఆదిత్యో జ్యోతిరాదిత్యః సహిష్ణుర్గతిసత్తమః ॥ ౬౦॥	Aadityo jyotiraadityah sahishnurgatisattamah || 60||
సుధన్వా ఖణ్డపరశుర్దారుణో ద్రవిణప్రదః ।	Sudhanvaa khandaparashurdaaruno dravinapradah |
దివస్పృక్ సర్వదృగ్వ్యాసో వాచస్పతిరయోనిజః ॥ ౬౧॥	Divasprik sarvadrigvyaaso vaachaspatirayonijah || 61||
త్రిసామా సామగః సామ నిర్వాణం భేషజం భిషక్ ।	Trisaamaa saamagah saama nirvaanam bheshajam bhishak |
సంన్యాసకృచ్ఛమః శాన్తో నిష్ఠా శాన్తిః పరాయణమ్॥ ౬౨॥	Samnyaasakrichchhamah shaanto nishthaa shaantih paraayanam|| 62||
శుభాఙ్గః శాన్తిదః స్రష్టా కుముదః కువలేశయః ।	Shubhaanggah shaantidah srashtaa kumudah kuvaleshayah |
గోహితో గోపతిర్గోప్తా వృషభాక్షో వృషప్రియః ॥ ౬౩॥	Gohito gopatirgoptaa vrishabhaaksho vrishapriyah || 63||
అనివర్తీ నివృత్తాత్మా సఙ్క్షేప్తా క్షేమకృచ్ఛివః ।	Anivartee nivrittaatmaa sangksheptaa kshemakrichchhivah |
శ్రీవత్సవక్షాః శ్రీవాసః శ్రీపతిః శ్రీమతాంవరః ॥ ౬౪॥	Shreevatsavakshaah shreevaasah shreepatih shreemataamvarah || 64||
శ్రీదః శ్రీశః శ్రీనివాసః శ్రీనిధిః శ్రీవిభావనః ।	Shreedah shreeshah shreenivaasah shreenidhih shreevibhaavanah |
శ్రీధరః శ్రీకరః శ్రేయః శ్రీమాఁల్లోకత్రయాశ్రయః ॥ ౬౫॥	Shreedharah shreekarah shreyah shreemaanllokatrayaashrayah || 65||
స్వక్షః స్వఙ్గః శతానన్దో నన్దిర్జ్యోతిర్గణేశ్వరః ।	Svakshah svanggah shataanando nandirjyotirganeshvarah |
విజితాత్మాఽవిధేయాత్మా సత్కీర్తిశ్ఛిన్నసంశయః ॥ ౬౬॥	Vijitaatmaa'vidheyaatmaa satkeertishchhinnasamshayah || 66||
ఉదీర్ణః సర్వతశ్చక్షురనీశః శాశ్వతస్థిరః ।	Udeernah sarvatashchakshuraneeshah shaashvatasthirah |
భూశయో భూషణో భూతిర్విశోకః శోకనాశనః ॥ ౬౭॥	Bhooshayo bhooshano bhootirvishokah shokanaashanah || 67||
అర్చిష్మానర్చితః కుమ్భో విశుద్ధాత్మా విశోధనః ।	Archishmaanarchitah kumbho vishuddhaatmaa vishodhanah |
అనిరుద్ధోఽప్రతిరథః ప్రద్యుమ్నోఽమితవిక్రమః ॥ ౬౮॥	Aniruddho'pratirathah pradyumno'mitavikramah || 68||
కాలనేమినిహా వీరః శౌరిః శూరజనేశ్వరః ।	Kaalaneminihaa veerah shaurih shoorajaneshvarah |
త్రిలోకాత్మా త్రిలోకేశః కేశవః కేశిహా హరిః ॥ ౬౯॥	Trilokaatmaa trilokeshah keshavah keshihaa harih || 69||
కామదేవః కామపాలః కామీ కాన్తః కృతాగమః ।	Kaamadevah kaamapaalah kaamee kaantah kritaagamah |
అనిర్దేశ్యవపుర్విష్ణుర్వీరోఽనన్తో ధనఞ్జయః ॥ ౭౦॥	Anirdeshyavapurvishnurveero'nanto dhananyjayah || 70||
బ్రహ్మణ్యో బ్రహ్మకృద్ బ్రహ్మా బ్రహ్మ బ్రహ్మవివర్ధనః ।	Brahmanyo brahmakrid brahmaa brahma brahmavivardhanah |
బ్రహ్మవిద్ బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియః ॥ ౭౧॥	Brahmavid braahmano brahmee brahmajnyo braahmanapriyah || 71||
మహాక్రమో మహాకర్మా మహాతేజా మహోరగః ।	Mahaakramo mahaakarmaa mahaatejaa mahoragah |
మహాక్రతుర్మహాయజ్వా మహాయజ్ఞో మహాహవిః ॥ ౭౨॥	Mahaakraturmahaayajvaa mahaayajnyo mahaahavih || 72||
స్తవ్యః స్తవప్రియః స్తోత్రం స్తుతిః స్తోతా రణప్రియః ।	Stavyah stavapriyah stotram stutih stotaa ranapriyah |
పూర్ణః పూరయితా పుణ్యః పుణ్యకీర్తిరనామయః ॥ ౭౩॥	Poornah poorayitaa punyah punyakeertiranaamayah || 73||
మనోజవస్తీర్థకరో వసురేతా వసుప్రదః ।	Manojavasteerthakaro vasuretaa vasupradah |
వసుప్రదో వాసుదేవో వసుర్వసుమనా హవిః ॥ ౭౪॥	Vasuprado vaasudevo vasurvasumanaa havih || 74||
సద్గతిః సత్కృతిః సత్తా సద్భూతిః సత్పరాయణః ।	Sadgatih satkritih sattaa sadbhootih satparaayanah |
శూరసేనో యదుశ్రేష్ఠః సన్నివాసః సుయామునః ॥ ౭౫॥	Shooraseno yadushreshthah sannivaasah suyaamunah || 75||
భూతావాసో వాసుదేవః సర్వాసునిలయోఽనలః ।	Bhootaavaaso vaasudevah sarvaasunilayo'nalah |
దర్పహా దర్పదో దృప్తో దుర్ధరోఽథాపరాజితః ॥ ౭౬॥	Darpahaa darpado dripto durdharo'thaaparaajitah || 76||
విశ్వమూర్తిర్మహామూర్తిర్దీప్తమూర్తిరమూర్తిమాన్।	Vishvamoortirmahaamoortirdeeptamoortiramoortimaan|
అనేకమూర్తిరవ్యక్తః శతమూర్తిః శతాననః ॥ ౭౭॥	Anekamoortiravyaktah shatamoortih shataananah || 77||
ఏకో నైకః సవః కః కిం యత్తత్పదమనుత్తమమ్।	Eko naikah savah kah kim yattatpadamanuttamam|
లోకబన్ధుర్లోకనాథో మాధవో భక్తవత్సలః ॥ ౭౮॥	Lokabandhurlokanaatho maadhavo bhaktavatsalah || 78||
సువర్ణవర్ణో హేమాఙ్గో వరాఙ్గశ్చన్దనాఙ్గదీ ।	Suvarnavarno hemaanggo varaanggashchandanaanggadee |
వీరహా విషమః శూన్యో ఘృతాశీరచలశ్చలః ॥ ౭౯॥	Veerahaa vishamah shoonyo ghritaasheerachalashchalah || 79||
అమానీ మానదో మాన్యో లోకస్వామీ త్రిలోకధృక్ ।	Amaanee maanado maanyo lokasvaamee trilokadhrik |
సుమేధా మేధజో ధన్యః సత్యమేధా ధరాధరః ॥ ౮౦॥	Sumedhaa medhajo dhanyah satyamedhaa dharaadharah || 80||
తేజోవృషో ద్యుతిధరః సర్వశస్త్రభృతాం వరః ।	Tejovrisho dyutidharah sarvashastrabhritaam varah |
ప్రగ్రహో నిగ్రహో వ్యగ్రో నైకశృఙ్గో గదాగ్రజః ॥ ౮౧॥	Pragraho nigraho vyagro naikashringgo gadaagrajah || 81||
చతుర్మూర్తిశ్చతుర్బాహుశ్చతుర్వ్యూహశ్చతుర్గతిః ।	Chaturmoortishchaturbaahushchaturvyoohashchaturgatih |
చతురాత్మా చతుర్భావశ్చతుర్వేదవిదేకపాత్॥ ౮౨॥	Chaturaatmaa chaturbhaavashchaturvedavidekapaat|| 82||
సమావర్తోఽనివృత్తాత్మా దుర్జయో దురతిక్రమః ।	Samaavarto'nivrittaatmaa durjayo duratikramah |
దుర్లభో దుర్గమో దుర్గో దురావాసో దురారిహా ॥ ౮౩॥	Durlabho durgamo durgo duraavaaso duraarihaa || 83||
శుభాఙ్గో లోకసారఙ్గః సుతన్తుస్తన్తువర్ధనః ।	Shubhaanggo lokasaaranggah sutantustantuvardhanah |
ఇన్ద్రకర్మా మహాకర్మా కృతకర్మా కృతాగమః ॥ ౮౪॥	Indrakarmaa mahaakarmaa kritakarmaa kritaagamah || 84||
ఉద్భవః సున్దరః సున్దో రత్ననాభః సులోచనః ।	Udbhavah sundarah sundo ratnanaabhah sulochanah |
అర్కో వాజసనః శృఙ్గీ జయన్తః సర్వవిజ్జయీ ॥ ౮౫॥	Arko vaajasanah shringgee jayantah sarvavijjayee || 85||
సువర్ణబిన్దురక్షోభ్యః సర్వవాగీశ్వరేశ్వరః ।	Suvarnabindurakshobhyah sarvavaageeshvareshvarah |
మహాహ్రదో మహాగర్తో మహాభూతో మహానిధిః ॥ ౮౬॥	Mahaahrado mahaagarto mahaabhooto mahaanidhih || 86||
కుముదః కున్దరః కున్దః పర్జన్యః పావనోఽనిలః ।	Kumudah kundarah kundah parjanyah paavano'nilah |
అమృతాశోఽమృతవపుః సర్వజ్ఞః సర్వతోముఖః ॥ ౮౭॥	Amritaasho'mritavapuh sarvajnyah sarvatomukhah || 87||
సులభః సువ్రతః సిద్ధః శత్రుజిచ్ఛత్రుతాపనః ।	Sulabhah suvratah siddhah shatrujichchhatrutaapanah |
న్యగ్రోధోఽదుమ్బరోఽశ్వత్థశ్చాణూరాన్ధ్రనిషూదనః ॥ ౮౮॥	Nyagrodho'dumbaro'shvatthashchaanooraandhranishoodanah || 88||
సహస్రార్చిః సప్తజిహ్వః సప్తైధాః సప్తవాహనః ।	Sahasraarchih saptajihvah saptaidhaah saptavaahanah |
అమూర్తిరనఘోఽచిన్త్యో భయకృద్భయనాశనః ॥ ౮౯॥	Amoortiranagho'chintyo bhayakridbhayanaashanah || 89||
అణుర్బృహత్కృశః స్థూలో గుణభృన్నిర్గుణో మహాన్।	Anurbrihatkrishah sthoolo gunabhrinnirguno mahaan|
అధృతః స్వధృతః స్వాస్యః ప్రాగ్వంశో వంశవర్ధనః ॥ ౯౦॥	Adhritah svadhritah svaasyah praagvamsho vamshavardhanah || 90||
భారభృత్కథితో యోగీ యోగీశః సర్వకామదః ।	Bhaarabhritkathito yogee yogeeshah sarvakaamadah |
ఆశ్రమః శ్రమణః క్షామః సుపర్ణో వాయువాహనః ॥ ౯౧॥	Aashramah shramanah kshaamah suparno vaayuvaahanah || 91||
ధనుర్ధరో ధనుర్వేదో దణ్డో దమయితా దమః ।	Dhanurdharo dhanurvedo dando damayitaa damah |
అపరాజితః సర్వసహో నియన్తాఽనియమోఽయమః ॥ ౯౨॥	Aparaajitah sarvasaho niyantaa'niyamo'yamah || 92||
సత్త్వవాన్సాత్త్వికః సత్యః సత్యధర్మపరాయణః ।	Sattvavaansaattvikah satyah satyadharmaparaayanah |
అభిప్రాయః ప్రియార్హోఽర్హః ప్రియకృత్ప్రీతివర్ధనః ॥ ౯౩॥	Abhipraayah priyaarho'rhah priyakritpreetivardhanah || 93||
విహాయసగతిర్జ్యోతిః సురుచిర్హుతభుగ్విభుః ।	Vihaayasagatirjyotih suruchirhutabhugvibhuh |
రవిర్విరోచనః సూర్యః సవితా రవిలోచనః ॥ ౯౪॥	Ravirvirochanah sooryah savitaa ravilochanah || 94||
అనన్తో హుతభుగ్భోక్తా సుఖదో నైకజోఽగ్రజః ।	Ananto hutabhugbhoktaa sukhado naikajo'grajah |
అనిర్విణ్ణః సదామర్షీ లోకాధిష్ఠానమద్భుతః ॥ ౯౫॥	Anirvinnah sadaamarshee lokaadhishthaanamadbhutah || 95||
సనాత్సనాతనతమః కపిలః కపిరవ్యయః ।	Sanaatsanaatanatamah kapilah kapiravyayah |
స్వస్తిదః స్వస్తికృత్స్వస్తి స్వస్తిభుక్స్వస్తిదక్షిణః ॥ ౯౬॥	Svastidah svastikritsvasti svastibhuksvastidakshinah || 96||
అరౌద్రః కుణ్డలీ చక్రీ విక్రమ్యూర్జితశాసనః ।	Araudrah kundalee chakree vikramyoorjitashaasanah |
శబ్దాతిగః శబ్దసహః శిశిరః శర్వరీకరః ॥ ౯౭॥	Shabdaatigah shabdasahah shishirah sharvareekarah || 97||
అక్రూరః పేశలో దక్షో దక్షిణః క్షమిణాంవరః ।	Akroorah peshalo daksho dakshinah kshaminaamvarah |
విద్వత్తమో వీతభయః పుణ్యశ్రవణకీర్తనః ॥ ౯౮॥	Vidvattamo veetabhayah punyashravanakeertanah || 98||
ఉత్తారణో దుష్కృతిహా పుణ్యో దుఃస్వప్ననాశనః ।	Uttaarano dushkritihaa punyo duhsvapnanaashanah |
వీరహా రక్షణః సన్తో జీవనః పర్యవస్థితః ॥ ౯౯॥	Veerahaa rakshanah santo jeevanah paryavasthitah || 99||
అనన్తరూపోఽనన్తశ్రీర్జితమన్యుర్భయాపహః ।	Anantaroopo'nantashreerjitamanyurbhayaapahah |
చతురశ్రో గభీరాత్మా విదిశో వ్యాదిశో దిశః ॥ ౧౦౦॥	Chaturashro gabheeraatmaa vidisho vyaadisho dishah || 100||
అనాదిర్భూర్భువో లక్ష్మీః సువీరో రుచిరాఙ్గదః ।	Anaadirbhoorbhuvo lakshmeeh suveero ruchiraanggadah |
జననో జనజన్మాదిర్భీమో భీమపరాక్రమః ॥ ౧౦౧॥	Janano janajanmaadirbheemo bheemaparaakramah || 101||
ఆధారనిలయోఽధాతా పుష్పహాసః ప్రజాగరః ।	Aadhaaranilayo'dhaataa pushpahaasah prajaagarah |
ఊర్ధ్వగః సత్పథాచారః ప్రాణదః ప్రణవః పణః ॥ ౧౦౨॥	Oordhvagah satpathaachaarah praanadah pranavah panah || 102||
ప్రమాణం ప్రాణనిలయః ప్రాణభృత్ప్రాణజీవనః ।	Pramaanam praananilayah praanabhritpraanajeevanah |
తత్త్వం తత్త్వవిదేకాత్మా జన్మమృత్యుజరాతిగః ॥ ౧౦౩॥	Tattvam tattvavidekaatmaa janmamrityujaraatigah || 103||
భూర్భువఃస్వస్తరుస్తారః సవితా ప్రపితామహః ।	Bhoorbhuvahsvastarustaarah savitaa prapitaamahah |
యజ్ఞో యజ్ఞపతిర్యజ్వా యజ్ఞాఙ్గో యజ్ఞవాహనః ॥ ౧౦౪॥	Yajnyo yajnyapatiryajvaa yajnyaanggo yajnyavaahanah || 104||
యజ్ఞభృద్ యజ్ఞకృద్ యజ్ఞీ యజ్ఞభుగ్యజ్ఞసాధనః ।	Yajnyabhrid yajnyakrid yajnyee yajnyabhugyajnyasaadhanah |
యజ్ఞాన్తకృద్ యజ్ఞగుహ్యమన్నమన్నాద ఏవ చ ॥ ౧౦౫॥	Yajnyaantakrid yajnyaguhyamannamannaada eva cha || 105||
ఆత్మయోనిః స్వయఞ్జాతో వైఖానః సామగాయనః ।	Aatmayonih svayanyjaato vaikhaanah saamagaayanah |
దేవకీనన్దనః స్రష్టా క్షితీశః పాపనాశనః ॥ ౧౦౬॥	Devakeenandanah srashtaa kshiteeshah paapanaashanah || 106||
శఙ్ఖభృన్నన్దకీ చక్రీ శార్ఙ్గధన్వా గదాధరః ।	Shangkhabhrinnandakee chakree shaarnggadhanvaa gadaadharah |
రథాఙ్గపాణిరక్షోభ్యః సర్వప్రహరణాయుధః ॥ ౧౦౭॥	Rathaanggapaanirakshobhyah sarvapraharanaayudhah || 107||
సర్వప్రహరణాయుధ ఓం నమ ఇతి ।	Sarvapraharanaayudha Om nama iti |
వనమాలీ గదీ శార్ఙ్గీ శఙ్ఖీ చక్రీ చ నన్దకీ ।	Vanamaalee gadee shaarnggee shangkhee chakree cha nandakee |
శ్రీమాన్నారాయణో విష్ణుర్వాసుదేవోఽభిరక్షతు ॥ ౧౦౮॥	Shreemaannaaraayano vishnurvaasudevo'bhirakshatu || 108||
శ్రీవాసుదేవోఽభిరక్షతు ఓం నమ ఇతి ।	Shreevaasudevo'bhirakshatu Om nama iti |
ఉత్తరన్యాసః, ఫలశ్రుతిః	Uttaranyaasah, phalashrutih
భీష్మ ఉవాచ —	Bheeshma uvaacha -
ఇతీదం కీర్తనీయస్య కేశవస్య మహాత్మనః ।	Iteedam keertaneeyasya keshavasya mahaatmanah |
నామ్నాం సహస్రం దివ్యానామశేషేణ ప్రకీర్తితమ్॥ ౧॥	Naamnaam sahasram divyaanaamasheshena prakeertitam|| 1||
య ఇదం శృణుయాన్నిత్యం యశ్చాపి పరికీర్తయేత్।	Ya idam shrinuyaannityam yashchaapi parikeertayet|
నాశుభం ప్రాప్నుయాత్కిఞ్చిత్సోఽముత్రేహ చ మానవః ॥ ౨॥	Naashubham praapnuyaatkinychitso'mutreha cha maanavah || 2||
వేదాన్తగో బ్రాహ్మణః స్యాత్క్షత్రియో విజయీ భవేత్।	Vedaantago braahmanah syaatkshatriyo vijayee bhavet|
వైశ్యో ధనసమృద్ధః స్యాచ్ఛూద్రః సుఖమవాప్నుయాత్॥ ౩॥	Vaishyo dhanasamriddhah syaachchhoodrah sukhamavaapnuyaat|| 3||
ధర్మార్థీ ప్రాప్నుయాద్ధర్మమర్థార్థీ చార్థమాప్నుయాత్।	Dharmaarthee praapnuyaaddharmamarthaarthee chaarthamaapnuyaat|
కామానవాప్నుయాత్కామీ ప్రజార్థీ ప్రాప్నుయాత్ప్రజామ్॥ ౪॥	Kaamaanavaapnuyaatkaamee prajaarthee praapnuyaatprajaam|| 4||
భక్తిమాన్యః సదోత్థాయ శుచిస్తద్గతమానసః ।	Bhaktimaanyah sadotthaaya shuchistadgatamaanasah |
సహస్రం వాసుదేవస్య నామ్నామేతత్ప్రకీర్తయేత్॥ ౫॥	Sahasram vaasudevasya naamnaametatprakeertayet|| 5||
యశః ప్రాప్నోతి విపులం జ్ఞాతిప్రాధాన్యమేవ చ ।	Yashah praapnoti vipulam jnyaatipraadhaanyameva cha |
అచలాం శ్రియమాప్నోతి శ్రేయః ప్రాప్నోత్యనుత్తమమ్॥ ౬॥	Achalaam shriyamaapnoti shreyah praapnotyanuttamam|| 6||
న భయం క్వచిదాప్నోతి వీర్యం తేజశ్చ విన్దతి ।	Na bhayam kvachidaapnoti veeryam tejashcha vindati |
భవత్యరోగో ద్యుతిమాన్బలరూపగుణాన్వితః ॥ ౭॥	Bhavatyarogo dyutimaanbalaroopagunaanvitah || 7||
రోగార్తో ముచ్యతే రోగాద్బద్ధో ముచ్యేత బన్ధనాత్।	Rogaarto muchyate rogaadbaddho muchyeta bandhanaat|
భయాన్ముచ్యేత భీతస్తు ముచ్యేతాపన్న ఆపదః ॥ ౮॥	Bhayaanmuchyeta bheetastu muchyetaapanna aapadah || 8||
దుర్గాణ్యతితరత్యాశు పురుషః పురుషోత్తమమ్।	Durgaanyatitaratyaashu purushah purushottamam|
స్తువన్నామసహస్రేణ నిత్యం భక్తిసమన్వితః ॥ ౯॥	Stuvannaamasahasrena nityam bhaktisamanvitah || 9||
వాసుదేవాశ్రయో మర్త్యో వాసుదేవపరాయణః ।	Vaasudevaashrayo martyo vaasudevaparaayanah |
సర్వపాపవిశుద్ధాత్మా యాతి బ్రహ్మ సనాతనమ్॥ ౧౦॥	Sarvapaapavishuddhaatmaa yaati brahma sanaatanam|| 10||
న వాసుదేవభక్తానామశుభం విద్యతే క్వచిత్।	Na vaasudevabhaktaanaamashubham vidyate kvachit|
జన్మమృత్యుజరావ్యాధిభయం నైవోపజాయతే ॥ ౧౧॥	Janmamrityujaraavyaadhibhayam naivopajaayate || 11||
ఇమం స్తవమధీయానః శ్రద్ధాభక్తిసమన్వితః ।	Imam stavamadheeyaanah shraddhaabhaktisamanvitah |
యుజ్యేతాత్మసుఖక్షాన్తిశ్రీధృతిస్మృతికీర్తిభిః ॥ ౧౨॥	Yujyetaatmasukhakshaantishreedhritismritikeertibhih || 12||
న క్రోధో న చ మాత్సర్యం న లోభో నాశుభా మతిః ।	Na krodho na cha maatsaryam na lobho naashubhaa matih |
భవన్తి కృతపుణ్యానాం భక్తానాం పురుషోత్తమే ॥ ౧౩॥	Bhavanti kritapunyaanaam bhaktaanaam purushottame || 13||
ద్యౌః సచన్ద్రార్కనక్షత్రా ఖం దిశో భూర్మహోదధిః ।	Dyauh sachandraarkanakshatraa kham disho bhoormahodadhih |
వాసుదేవస్య వీర్యేణ విధృతాని మహాత్మనః ॥ ౧౪॥	Vaasudevasya veeryena vidhritaani mahaatmanah || 14||
ససురాసురగన్ధర్వం సయక్షోరగరాక్షసమ్।	Sasuraasuragandharvam sayakshoragaraakshasam|
జగద్వశే వర్తతేదం కృష్ణస్య సచరాచరమ్॥ ౧౫॥	Jagadvashe vartatedam krishnasya sacharaacharam|| 15||
ఇన్ద్రియాణి మనో బుద్ధిః సత్త్వం తేజో బలం ధృతిః ।	Indriyaani mano buddhih sattvam tejo balam dhritih |
వాసుదేవాత్మకాన్యాహుః క్షేత్రం క్షేత్రజ్ఞ ఏవ చ ॥ ౧౬॥	Vaasudevaatmakaanyaahuh kshetram kshetrajnya eva cha || 16||
సర్వాగమానామాచారః ప్రథమం పరికల్ప్యతే ।	Sarvaagamaanaamaachaarah prathamam parikalpyate |
ఆచారప్రభవో ధర్మో ధర్మస్య ప్రభురచ్యుతః ॥ ౧౭॥	Aachaaraprabhavo dharmo dharmasya prabhurachyutah || 17||
ఋషయః పితరో దేవా మహాభూతాని ధాతవః ।	Rishayah pitaro devaa mahaabhootaani dhaatavah |
జఙ్గమాజఙ్గమం చేదం జగన్నారాయణోద్భవమ్॥ ౧౮॥	Janggamaajanggamam chedam jagannaaraayanodbhavam|| 18||
యోగో జ్ఞానం తథా సాఙ్ఖ్యం విద్యాః శిల్పాదికర్మ చ ।	Yogo jnyaanam tathaa saangkhyam vidyaah shilpaadikarma cha |
వేదాః శాస్త్రాణి విజ్ఞానమేతత్సర్వం జనార్దనాత్॥ ౧౯॥	Vedaah shaastraani vijnyaanametatsarvam janaardanaat|| 19||
ఏకో విష్ణుర్మహద్భూతం పృథగ్భూతాన్యనేకశః ।	Eko vishnurmahadbhootam prithagbhootaanyanekashah |
త్రీంల్లోకాన్వ్యాప్య భూతాత్మా భుఙ్క్తే విశ్వభుగవ్యయః ॥ ౨౦॥	Treemllokaanvyaapya bhootaatmaa bhungkte vishvabhugavyayah || 20||
ఇమం స్తవం భగవతో విష్ణోర్వ్యాసేన కీర్తితమ్।	Imam stavam bhagavato vishnorvyaasena keertitam|
పఠేద్య ఇచ్ఛేత్పురుషః శ్రేయః ప్రాప్తుం సుఖాని చ ॥ ౨౧॥	Pathedya ichchhetpurushah shreyah praaptum sukhaani cha || 21||
విశ్వేశ్వరమజం దేవం జగతః ప్రభుమవ్యయమ్।	Vishveshvaramajam devam jagatah prabhumavyayam|
భజన్తి యే పుష్కరాక్షం న తే యాన్తి పరాభవమ్॥ ౨౨॥	Bhajanti ye pushkaraaksham na te yaanti paraabhavam|| 22||
న తే యాన్తి పరాభవమ్ఓం నమ ఇతి ।	Na te yaanti paraabhavamom nama iti |
అర్జున ఉవాచ —	Arjuna uvaacha -
పద్మపత్రవిశాలాక్ష పద్మనాభ సురోత్తమ ।	Padmapatravishaalaaksha padmanaabha surottama |
భక్తానామనురక్తానాం త్రాతా భవ జనార్దన ॥ ౨౩॥	Bhaktaanaamanuraktaanaam traataa bhava janaardana || 23||
శ్రీభగవానువాచ —	Shreebhagavaanuvaacha -
యో మాం నామసహస్రేణ స్తోతుమిచ్ఛతి పాణ్డవ ।	Yo maam naamasahasrena stotumichchhati paandava |
సోహఽమేకేన శ్లోకేన స్తుత ఏవ న సంశయః ॥ ౨౪॥	Soha'mekena shlokena stuta eva na samshayah || 24||
స్తుత ఏవ న సంశయ ఓం నమ ఇతి ।	Stuta eva na samshaya Om nama iti |
వ్యాస ఉవాచ —	Vyaasa uvaacha -
వాసనాద్వాసుదేవస్య వాసితం భువనత్రయమ్।	Vaasanaadvaasudevasya vaasitam bhuvanatrayam|
సర్వభూతనివాసోఽసి వాసుదేవ నమోఽస్తు తే ॥ ౨౫॥	Sarvabhootanivaaso'si vaasudeva namo'stu te || 25||
శ్రీవాసుదేవ నమోఽస్తు త ఓం నమ ఇతి ।	Shreevaasudeva namo'stu ta Om nama iti |
పార్వత్యువాచ —	Paarvatyuvaacha -
కేనోపాయేన లఘునా విష్ణోర్నామసహస్రకమ్।	Kenopaayena laghunaa vishnornaamasahasrakam|
పఠ్యతే పణ్డితైర్నిత్యం శ్రోతుమిచ్ఛామ్యహం ప్రభో ॥ ౨౬॥	Pathyate panditairnityam shrotumichchhaamyaham prabho || 26||
ఈశ్వర ఉవాచ —	Eeshvara uvaacha -
శ్రీరామరామరామేతి రమే రామే మనోరమే ।	Shreeraamaraamaraameti rame raame manorame |
సహస్రనామతత్తుల్యం రామనామ వరాననే ॥ ౨౭॥	Sahasranaamatattulyam raamanaama varaanane || 27||
శ్రీరామనామ వరానన ఓం నమ ఇతి ।	Shreeraamanaama varaanana Om nama iti |
బ్రహ్మోవాచ —	Brahmovaacha -
నమోఽస్త్వనన్తాయ సహస్రమూర్తయే	Namo'stvanantaaya sahasramoortaye
సహస్రపాదాక్షిశిరోరుబాహవే ।	Sahasrapaadaakshishirorubaahave |
సహస్రనామ్నే పురుషాయ శాశ్వతే	Sahasranaamne purushaaya shaashvate
సహస్రకోటియుగధారిణే నమః ॥ ౨౮॥	Sahasrakotiyugadhaarine namah || 28||
సహస్రకోటియుగధారిణే నమ ఓం నమ ఇతి ।	Sahasrakotiyugadhaarine nama Om nama iti |
ఓం తత్సదితి శ్రీమహాభారతే శతసాహస్ర్యాం సంహితాయాం వైయాసిక్యామానుశాసనికే	Om tatsaditi shreemahaabhaarate shatasaahasryaam samhitaayaam vaiyaasikyaamaanushaasanike
పర్వణి భీష్మయుధిష్ఠిరసంవాదే శ్రీవిష్ణోర్దివ్యసహస్రనామస్తోత్రమ్॥	Parvani bheeshmayudhishthirasamvaade shreevishnordivyasahasranaamastotram||
సఞ్జయ ఉవాచ —	Sanyjaya uvaacha -
యత్ర యోగేశ్వరః కృష్ణో యత్ర పార్థో ధనుర్ధరః ।	Yatra yogeshvarah krishno yatra paartho dhanurdharah |
తత్ర శ్రీర్విజయో భూతిర్ధ్రువా నీతిర్మతిర్మమ ॥ ౨౯॥	Tatra shreervijayo bhootirdhruvaa neetirmatirmama || 29||
శ్రీభగవానువాచ —	Shreebhagavaanuvaacha -
అనన్యాశ్చిన్తయన్తో మాం యే జనాః పర్యుపాసతే ।	Ananyaashchintayanto maam ye janaah paryupaasate |
తేషాం నిత్యాభియుక్తానాం యోగక్షేమం వహామ్యహమ్॥ ౩౦॥	Teshaam nityaabhiyuktaanaam yogakshemam vahaamyaham|| 30||
పరిత్రాణాయ సాధూనాం వినాశాయ చ దుష్కృతామ్।	Paritraanaaya saadhoonaam vinaashaaya cha dushkritaam|
ధర్మసంస్థాపనార్థాయ సమ్భవామి యుగే యుగే ॥ ౩౧॥	Dharmasamsthaapanaarthaaya sambhavaami yuge yuge || 31||
ఆర్తా విషణ్ణాః శిథిలాశ్చ భీతా ఘోరేషు చ వ్యాధిషు వర్తమానాః ।	Aartaa vishannaah shithilaashcha bheetaa ghoreshu cha vyaadhishu vartamaanaah |
సఙ్కీర్త్య నారాయణశబ్దమాత్రం విముక్తదుఃఖాః సుఖినో భవన్తి ॥ ౩౨॥	Sangkeertya naaraayanashabdamaatram vimuktaduhkhaah sukhino bhavanti || 32||
కాయేన వాచా మనసేన్ద్రియైర్వా బుద్ధ్యాత్మనా వా ప్రకృతేః స్వభావాత్।	Kaayena vaachaa manasendriyairvaa buddhyaatmanaa vaa prakriteh svabhaavaat|
కరోమి యద్యత్సకలం పరస్మై నారాయణాయేతి సమర్పయామి ॥ ౩౩॥	Karomi yadyatsakalam parasmai naaraayanaayeti samarpayaami || 33||
ఇతి శ్రీవిష్ణోర్దివ్యసహస్రనామస్తోత్రం సమ్పూర్ణమ్।	Iti shreevishnordivyasahasranaamastotram sampoornam|
ఓం తత్సత్।	Om tatsat|

Listen and chant along in Diya

Vishnu Sahasranamam meaning

In English (Diya prayer library): A sacred stotram from the Mahabharata tradition reciting the thousand names and qualities of Vishnu, along with the traditional opening and concluding verses.

The best-known verse, which opens the thousand names, means:

Plain-English meaning (Diya prayer library): Vishnu is the universe, the one present everywhere, and the sacred 'vashat' call of sacrifice. He is Lord of past, future, and present; maker and sustainer of beings; existence itself; the Self within all beings; and the one who nurtures their growth.

Deeper reflection (Diya prayer library): Vishnu is praised as the one who gives and sustains life, present within every being. That makes care for others part of our reverence for him. We can remember this when someone is easy to overlook, giving their needs the attention we would want for our own.

Download the Vishnu Sahasranamam Telugu PDF

Download the Vishnu Sahasranamam in Telugu (PDF): the Telugu text with transliteration, ready to print. The English-letter version is here.

Diya, the app, has the Vishnu Sahasranamam to read and chant along with. Diya is available for iPhone. See the Diya app.

Related reading

• Vishnu Sahasranamam lyrics in English
• Vishnu
• Vaikuntha Ekadashi 2026
• Venkateswara